របៀបរៀបចំកិច្ចព្រមព្រៀងទិញ-លក់ផ្តាច់អចនទ្រព្យឲ្យបានត្រឹមត្រូវ

• November 26, 2019

របៀបរៀបចំកិច្ចព្រមព្រៀងទិញ-លក់ផ្តាច់អចនទ្រព្យឲ្យបានត្រឹមត្រូវ

កិច្ចសន្យាជាការព្រមព្រៀងរវាងគូភាគី ដើម្បីផ្តល់ឲ្យ និងទទួលយកនូវកម្មវត្ថុអ្វីមួយ ដោយភ្ជាប់ជាមួយនូវកាតព្វកិច្ច ការទទួលខុសត្រូវ និងការធានាផ្សេងៗរបស់គូភាគីនៅក្នុងកិច្ចព្រមព្រៀង។

ទោះជាយ៉ាងណា គេតែងជួបផលលំបាកជាច្រើនក្នុងការរៀបចំកិច្ចព្រមព្រៀងឲ្យបានត្រឹមត្រូវតាមលំដាប់លំដោយ មានរបៀបវារៈ ងាយយល់ និងមានវិជ្ជាជីវៈត្រឹមត្រូវ ។

នៅក្នុងនោះ កិច្ចព្រមព្រៀងទិញ-លក់ផ្តាច់អចនទ្រព្យកើគឺជាកិច្ចព្រមព្រៀងមួយប្រភេទ ដែលអ្នកលក់ និងអ្នកទិញត្រូវរៀបចំឡើង ដើម្បីបញ្ជាក់ពី កាតព្វកិច្ចផ្សេងៗរបស់ខ្លួនដែលត្រូវអនុវត្ត និងបំពេញតាម។

ខាងក្រោមនេះ ជាគម្រូ ឬទម្រង់នៃកិច្ចសន្យាលក់អចលនវត្ថុ (ដី និងផ្ទះ) មួយប្រភេទ ដែលអ្នកច្បាប់ ឬមេធាវីចូលចិត្តប្រើ។​

១) បាវនាជាតិ

“ព្រះរាជាណាចក្រកម្ពុជា ជាតិ សាសនា ព្រះមហាក្សត្រ (ចំណុចនេះ តាមការនិយមចូលចិត្តរបស់អ្នកតាក់តែងកិច្ចសន្យា គេអាចដាក់ក៏បាន ឬមិនដាក់ក៏បាន) ប៉ុន្តែភាគច្រើនគឺគេដាក់ ដើម្បីលើកតម្កើងពី បាវនាជាតិ របស់ប្រទេសកម្ពុជា។ ​​

២) ចំណងជើង

(ត្រូវតែដាក់ ហើយដាក់ឲ្យសមទៅនឹងកម្មវត្ថុនៃកិច្ចព្រមព្រៀងដែលមានចែងក្នុងប្រការ១)។ សម្រាប់កិច្ចព្រមព្រៀងទិញ-លក់ផ្តាច់អចនទ្រព្យនេះ គេអាចដាក់ឲ្យចំទៅតាមកម្មវត្ថុតែម្តងក៏បាន ឧទាហរណ៍ថា បើកិច្ចកិច្ចព្រមព្រៀងនោះ សំដៅទៅលើការលក់ផ្ទះ គេអាចដាក់ចំណងជើងឲ្យចំថា “កិច្ចព្រមព្រៀងទិញ-លក់ផ្តាច់ដី” ក៏បាន “កិច្ចព្រមព្រៀងទិញ-លក់ផ្តាច់អចនទ្រព្យ” ក៏បាន ។

៣) ទីកន្លែង និងកាលបរិច្ឆេទ

សម្រាប់អ្នកច្បាប់ ឬមេធាវី គេចូលចិត្តសរសេរកិច្ចព្រមព្រៀង ដែលមានកំណត់ និងបញ្ជាក់ពីទីកន្លែងចុះកិច្ចសន្យា និងកាលបរិច្ឆេទនៃកិច្ចព្រមព្រៀងនៅផ្នែកខាងលើបន្ទាប់ពីចំណងជើងនៃកិច្ចព្រមព្រៀង។ ឧទាហរណ៍៖ កិច្ចព្រមព្រៀងនេះត្រូវបានធ្វើឡើងនៅថ្ងៃទី០១    ខែ ១២ ឆ្នាំ២០១៩  នៅរាជធានីភ្នំពេញ ប៉ុន្តែទោះជាយ៉ាងណា លោក-អ្នកក៏អាចសរសេរទីកន្លែង និងកាលបរិច្ឆេទ នៅផ្នែកខាងក្រោម បន្ទាប់ពីផ្នែកនៃសក្ខីកម្មនៃកិច្ចព្រមព្រៀងបានដែរ។

៤) ព័ត៌មានរបស់គូភាគី

ចំណុចចនេះគឺសំខាន់ណាស់ ដែលមិនអាចខ្វះបានជាដាច់ខាត ដែលលោក-អ្នកត្រូវតែដាក់ព័ត៌មានរបស់គូភាគីនៃកិច្ចព្រមព្រៀង (ហើយព័ត៌មានគូភាគី ត្រូវតែលម្អិតទៅតាមអត្តសញ្ញាណប័ណ្ណ ឬលិខិតឆ្លងដែន) ជាព័ត៌មានបឋម ដែលក្នុងកិច្ចព្រមព្រៀង នីមួយៗមិនអាចខ្វះបាន។ នៅចំនុចព័ត៌មានរបស់គូភាគីនេះ អ្នកត្រូវចងចាំថា គូភាគី អាចជា រវាងវន្តបុគ្គល និងរូបវន្តបុគ្គល ឬរូបវន្តបុគ្គល និងនីតិបុគ្គល ឬនីតិបុគ្គល និងនីតិបុគ្គល ។

ក្នុងករណីកិច្ចព្រមព្រៀង ត្រូវបានរៀបចំឡើងរវាងរូបវន្តបុគ្គល និងរូបវន្តបុគ្គល នោះកិច្ចព្រមព្រៀង ត្រូវសរសេរព័ត៌មានរបស់គូភាគី ដោយចាប់ផ្តើមពី ឈ្មោះ ភេទ អាយុ សញ្ជាតិ អត្តសញ្ញាណប័ណ្ណ ឬលិខិតឆ្លងដែន លេខ និងកាលបរិច្ឆេទរបស់វា អាសយដ្ឋាន ឬ ទីលំនៅអចិន្ត្រៃយ៍របស់គូភាគី។  ក្នុងករណីកិច្ចសន្យាត្រូវបានធ្វើឡើងដោយមានភាគីណាមួយជានីតិបុគ្គល អ្នកត្រូវចាប់ផ្តើមដោយ ឈ្មោះរបស់ក្រុមហ៊ុន ដែលបាន ចុះបញ្ជីស្របច្បាប់ លេខចុះបញ្ជី កាលបរិច្ឆេទចុះបញ្ជី ការិយាល័យចុះបញ្ជីក្រុមហ៊ុន ឈ្មោះ និងតួនាទីរបស់អ្នកតំណាងរបស់ក្រុមហ៊ុន។ ចំណុចបន្ថែមគេតែងនិយមដាក់លេខទូរស័ព្ទទំនាក់ទំនង ឬអាសយដ្ឋានអ៊ីម៉ែលផងដែរ ដើម្បីភាពងាយស្រួលដល់ការទាក់ទងគ្នាតាមការចាំបាច់។)

៥) កម្មវត្ថុ ឬគោលបំណងនៃកិច្ចព្រមព្រៀង

ភាគី “ក”  យល់ព្រមលក់ ហើយភាគី “ខ” យល់ព្រមទិញអចលនទ្រព្យដូចមានចែងខាងលើ​ចំណុច

ដោយហេតុថា៖   ភាគី “ក”  ជាម្ចាស់អចលនវត្ថុលើដី និងផ្ទះ ដែលមានទំហំសរុបគឺ ............. ដែលមានទីតាំងស្ថិតនៅ......................................... ដែលមានប័ណ្ណសម្គាល់កម្មសិទ្ធលេខ ................... ចុះថ្ងៃទី ............................ ចេញដោយ............................. [តទៅហៅថា អចលនវត្ថុ :] សម្រាប់លក់ផ្តាច់អោយទៅអ្នកទិញ ដោយខ្លួន អ្នកលក់ ជាអ្នកទទួលបន្ទុករត់ការកាត់ឈ្មោះមកជា ប្លង់រឹង ទៅអោយអ្នកទិញ ។

ភាគី “ខ” បានពិនិត្យនឹងសិក្សាលើអចលនវត្ថុ ដែលជាកម្មវត្ថុនៃការទិញលក់នេះរួចហើយ ហើយបានយល់ព្រមទិញផ្តាច់ ដោយស្របតាមកិច្ចសន្យានេះ ក្នុង តម្លៃ ...................ដុល្លា (ជាអក្សរ)។

៦) ប្រាក់កក់ និងការទូរទាត់

ជាទូទៅ ប្រាក់កក់ និងការទូទាត់ គេតែងសរសេរចូលនៅក្នុងប្រការ ២ គេត្រូវសរសេរឲ្យច្បាស់ពី ការកក់ប្រាក់ និងការទូទាត់ដែលគូភាគី បានព្រមព្រៀងគ្នា ហើយជាទូទៅតូ្រវ ធ្វើតាមតំណាក់ការ ។ ជាទូទៅតំណាក់ការនៃការទូទាត់ និងនិមួយៗត្រូវចែងឲ្យច្បាស់ពីតំណាក់ការនៃការទូទាត់ និង កាត្វកិច្ចរបស់ ភាគី “ក” ដូចជា៖ ១)​ ភាគី “ក” ត្រូវចាត់ចែងផ្ទេរកម្មសិទ្ធិទៅជាប្លង់រឹង ជូនអ្នកទិញ ។

២)​ គ្រប់តម្លៃ និងរាល់ការចំណាយ រួមមានពន្ធនៃការផ្ទេរកម្មសិទ្ធិ គឺទទួលខុសត្រូវដោយ ភាគី “ក”  ។

៣) នឹងត្រូវប្រគល់ជូនទៅភាគី “ក”  នៅថ្ងៃដែលប្លង់រឹងបានកាត់ផ្ទេរកម្មសិទ្ធរួចរាល់ ជាដើម ។

៧)  អំពីសិទ្ធិ និងកាតព្វកិច្ច

របស់គូរ ភាគី

ភាគីនិមួយៗ មានសិទ្ធិ និងកាតព្វកិច្ចរាងៗខ្លួន ។​ ជាទួទៅសិទ្ធិ និងកាតព្វកិច្ច​ ត្រូវគេនិយមសរសេរ ក្នុងប្រការ៣ និងប្រការ ៤ ។

៨) ប្រការផ្សេងៗនៃកិច្ចព្រមព្រៀង ឬលក្ខខណ្ឌទូទៅ

លក្ខខណ្ឌទូទៅនៅក្នុងកិច្ចព្រមព្រៀង គឺជាទម្រង់ទូទៅដែលគេតែងតែងនិយម សរសេរ នៅគ្រប់កិច្ចព្រមព្រៀង ទាំងអស់មិនថាតែកិច្ចសន្យាលក់ទិញ  ឬកិច្ចសន្យាជួល នោះទេ ។

ប្រការ ឬលក្ខខណ្ឌទាំងនោះ រួមមាន៖

ក. ការបញ្ចប់កិច្ចព្រមព្រៀង   

ខ.​ ច្បាប់គ្រប់គ្រង និងដំណោះស្រាយវិវាទ

គ. ការកែប្រែ

ឃ. ទំនាស់  

ង.ប្រសិទ្ធិភាពនៃការព្រមព្រៀង 

ច.អវសាន្តបញ្ញត្តិ

ឆ.ភាសា និងការតម្កល់កិច្ចសន្យា

ដើម្បីផ្តល់ភាពងាយស្រួល និងងាយយល់ យើងមានកិច្ចព្រមព្រៀងទិញ-លក់ផ្តាច់អចនទ្រព្យដើម្បីឲ្យលោកអ្នកអានយកជាគតិ និងចងចាំដូចខាងក្រោម៖

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

abcd

កិច្ចព្រមព្រៀងទិញ-លក់ផ្តាច់អចនទ្រព្យ

        ធ្វើនៅរាជធានីភ្នំពេញ ថ្ងៃទី……ខែ……ឆ្នាំ២០១៩។

រវាង

អ្នកលក់ លោក/អ្នកស្រី ……………………    ភេទ............. អាយុ............... សញ្ជាតិ........... ជនជាតិ......... មានទីលំនៅបច្ចុប្បន្ន..........................រាជធានីភ្នំពេញ (អ្នកលក់ដី) ចាប់ពីពេលនេះតទៅសន្មត ហៅកាត់ថាភាគី“ក”  ។

និង

អ្នកទិញ លោក/អ្នកស្រី ……………………. ភេទ…………… អាយុ………… មានទីលំនៅបច្ចប្បន្ន……………………………………………រាជធានីភ្នំពេញ គឺជា (អ្នកទិញ) ចាប់ពីពេលនេះតទៅសន្មត ហៅកាត់ថា ភាគី “ខ”  ។

ដោយហេតុថា៖ ភាគី “ក”  ជាម្ចាស់អចលនវត្ថុលើដី និងផ្ទះ ដែលមានទំហំសរុបគឺ ............. ដែលមានទីតាំងស្ថិតនៅ......................................... ដែលមានប័ណ្ណសម្គាល់កម្មសិទ្ធលេខ ................... ចុះថ្ងៃទី ............................ ចេញដោយ............................. [តទៅហៅថា អចលនវត្ថុ :] សម្រាប់លក់ផ្តាច់អោយទៅអ្នកទិញ ដោយខ្លួន អ្នកលក់ ជាអ្នកទទួលបន្ទុករត់ការកាត់ឈ្មោះមកជា ប្លង់រឹង ទៅអោយអ្នកទិញ ។

ដោយហេតុថា៖ ភាគី “ខ” បានពិនិត្យនឹងសិក្សាលើអចលនវត្ថុ ដែលជាកម្មវត្ថុនៃការទិញលក់នេះរួចហើយ ហើយបានយល់ព្រមទិញផ្តាច់ ដោយស្របតាមកិច្ចសន្យានេះ។

ក្រោយពីបានពិភាក្សាគ្នាភាគីទាំង២បានព្រមព្រៀងគ្នាលើរាល់ប្រការដូចខាងក្រោម:

ប្រការ១³ កម្មវត្ថុ និងតម្លៃនៃកិច្ចព្រមព្រៀង

ភាគី “ក”  យល់ព្រមលក់ ហើយភាគី “ខ” យល់ព្រមទិញអចលនទ្រព្យដូចមានចែងខាងលើ ក្នុង តម្លៃ ...................ដុល្លា (ជាអក្សរ)។

ប្រការ២³ ប្រាក់កក់ និងការទូរទាត់

        គូរភាគីឯកភាពទូទាត់ប្រាក់ដូចខាងក្រោមៈ

• ដំណាក់កាលទី១៖

ភាគី “ខ”  ប្រគល់ប្រាក់ចំនួន…………….. ដុល្លា (ជាអក្សរ) អោយទៅ ភាគី “ក”   នៅថ្ងៃចុះកិច្ចព្រមព្រៀង (ថ្ងៃទី ...................) ដើម្បីអោយភាគី “ក” ចាត់ចែងផ្ទេរកម្មសិទ្ធិទៅជាប្លង់រឹង ជូនអ្នកទិញ ។

1. គ្រប់តម្លៃ និងរាល់ការចំណាយ រួមមានពន្ធនៃការផ្ទេរកម្មសិទ្ធិ គឺទទួលខុសត្រូវដោយ ភាគី “ក”  ។

• ដំណាក់កាលទី២៖  ទឹកប្រាក់នៅសល់ ………………… (ជាអក្សរ) នឹងត្រូវប្រគល់ជូនទៅភាគី “ក”  នៅថ្ងៃដែលប្លង់រឹងបានកាត់ផ្ទេរកម្មសិទ្ធរួចរាល់។

ប្រការ៣³ អំពីសិទ្ធិ និងកាតព្វកិច្ចរបស់ ភាគី “ក”  

1. ភាគី “ក” ត្រូវប្រគល់ប័ណ្ណកម្មសិទ្ធ ដែលបានផ្ទេរឈ្មោះរួចរាល់ អោយទៅ ភាគី “ខ”  ផ្អែកទៅលើ កាលកំណត់ និងលក្ខខណ្ឌនៃការព្រមព្រៀង។    
2. ភាគី “ក” ត្រូវទទួលខុសត្រូវនៅក្រោមច្បាប់ ប្រសិនបើអចលនវត្ថុដែលត្រូវបានផ្ទេរទៅ ភាគី “ខ”  ហើយមានតតីយជនធ្វើការអះអាងថា អចលនវត្ថុ នេះជារបស់ខ្លួន។ 

ប្រការ៤³ អំពីសិទ្ធិ និងកាតព្វកិច្ចរបស់ ភាគី“ខ”

1. ភាគី“ខ” ត្រូវបង់ថ្លៃដីទៅអោយ ភាគី“ក”  ដោយយោងទៅតាមកាលកំណត់ និងលក្ខខណ្ឌនៅក្នុងការព្រមព្រៀង។
2. ភាគី“ខ” មានសិទ្ធិពេញលេញដើម្បីកាន់កាប់ដីជាកម្មសិទ្ធិស្របច្បាប់ និងចាត់ចែងបន្ទាប់ ការធ្វើការទូទាត់តាមដំណាក់កាលនីមួយៗអោយទៅ ភាគី“ក” ។
3. ត្រូវផ្តល់ឯកសារគ្រប់គ្រាន់ទាន់ពេលវេលាទៅ ភាគី“ខ”  ដើម្បីសម្របសម្រួលនូវការផ្ទេរកម្មសិទ្ធិដី។

ប្រការ៥³ ការបញ្ចប់កិច្ចព្រមព្រៀង

ប្រសិនបើបន្ទាប់ពីការប្រតិបត្តិ ភាគី“ក”  ឬ ភាគី“ខ”  សំរេចចិត្តបញ្ចប់កិច្ចព្រមព្រៀង ឬប្រសិនបើកម្មសិទ្ធិដីគឺមិនអាចផ្ទេរនៅក្រោមឈ្មោះ ភាគី“ខ”   ដោយសារហេតុផលអ្វីក៏ដោយ ភាគី“ក” ត្រូវទទួលខុសត្រូវរហូតទាល់តែការផ្ទេរកម្មសិទ្ធិខាងលើនេះបានចប់សព្វគ្រប់ជាស្ថាពរ។

ប្រការ៦³ ច្បាប់គ្រប់គ្រង

កិច្ចព្រមព្រៀងនេះ គឺត្រូវបានគ្រប់គ្រង និងបកស្រាយដោយច្បាប់នៃព្រះរាជាណាចក្រ  កម្ពុជា។

ប្រការ៧³ ការកែប្រែ

កិច្ចព្រមព្រៀងនេះ គឺមិនអាចដកហូតវិញបាន និងមិនអាចកែប្រែទៅតាមកិច្ចព្រមព្រៀងជាលាយលក្ខណ៍អក្សរដែលបានប្រតិបត្តិដោយភាគីទាំងពីរ។

ប្រការ៨³ ទំនាស់

បើមានទំនាស់កើតឡើងពីកិច្ចព្រមព្រៀងនេះ ជាលើកដំបូង ភាគីទាំងពីរត្រូវពិគ្រោះគ្នាជាលក្ខណ:មិត្តភាព តែប្រសិនបើមិនអាចដោះស្រាយបានទេ ភាគីទាំងពីរអាចប្តឹងទៅតុលាការនៃព្រះរាជាណាចក្រកម្ពុជា ដើម្បីដោះស្រាយទំនាស់។

ប្រការ៩³ ប្រសិទ្ធិភាពនៃការព្រមព្រៀង

កិច្ចព្រមព្រៀងនេះ មានសុពលភាព និងប្រសិទ្ធភាពចាប់ពីថ្ងៃផ្តិតមេដៃស្តាំនេះតទៅ។

ប្រការ១០³ អវសាន្តបញ្ញត្តិ

កិច្ចព្រមព្រៀងនេះធ្វើឡើងជាភាសារខ្មែរចំនួន ០៣ច្បាប់ ដែលមានសុពលភាពស្មើគ្នាគ្រប់កាល:ទេស:។ ភាគីនីមួយៗរក្សាទុកក្នុងម្នាក់ ០១ច្បាប់ ។

ធ្វើនៅរាជធានីភ្នំពេញ, ថ្ងៃទី……ខែ………ឆ្នាំ២០១៩

ស្នាមមេដៃភាគី “ក”                                    សាក្សីអ្នកលក់                                                        ​​សាក្សីអ្នកទិញ  ស្នាមមេដៃភាគី “ខ”  

                    លោក/លោកស្រី                                                                                                                                  លោក/លោកស្រី

បានឃើញឈ្មោះ....................................................................

បានផ្តិតមេដៃនៅចំពោះមុខមេធាវី

ភ្នំពេញ ថ្ងៃទី……….. ខែ ……… ឆ្នាំ…………

បងៗត្រូវការទិញ - លក់នៅកក្នុង សង្កាត់សំរោងក្រោម ។ សូមទំនាក់ទំនងក្រុមការងារយើងខ្ញុំ ៖

• លោក ហ៊ុង ទី អនុប្រធានរបស់ ក្រុមហ៊ុន ទ្រីលែន រៀលធី លេខទំនាក់ទំនង 077 988 178
• លោកស្រី សុខ សុមាន អគ្គនាយក  របស់ក្រុមហ៊ុន ទ្រីលែន រៀលធី លេខទំនាក់ទំនង 070/017 436 338
• លោក កោសល្យ រតនា ប្រធានផ្នែកលក់ប្រចាំក្រុងភ្នំពេញ របស់ក្រុមហ៊ុន ទ្រីលែន រៀលធី លេខទំនាក់ ទំនង 098 296 168

រៀបរាងដោយ៖ ហ៊ុង ទី

• Facebook
• Twitter
• Linked
• Telegram